.png)
Nga Gazeta ‘Si’- Presidenti amerikan Donald Trump do të zbulojë sot, më 2 Prill, tarifat doganore universale “reciproke”, që sipas të cilit, do të korrigjojnë “dekadat e praktikave të padrejta tregtare” që kanë grabitur Shtetet e Bashkuara.
Zëdhënësja Karoline Leavitt tha se njoftimi pritet në orën 22:00 dhe do të hyjnë në fuqi menjëherë.
Sipas Wall Street Journal, administrata amerikane po shqyrton tarifat 20% për të gjitha vendet që tregtojnë me Shtetet e Bashkuara. Pritet të shihet se cilët sektorë do të preken dhe në çfarë mase.
“Presidenti është gjithmonë i gatshëm t’i përgjigjet një telefonate, gjithmonë i gatshëm për një negociatë të mirë,”, u shpreh ajo.
Ndërsa ai vetë u shpreh se do të jetë ‘i sjellshëm’.
Qëndrimi i Brukselit
Dje, duke folur në seancën plenare të Parlamentit Evropian në Strasburg, presidentja e Komisionit Evropian Ursula von der Leyen i dërgoi një mesazh të qartë Uashingtonit: nëse vendosen tarifa kundër BE-së, përgjigja do të jetë e bashkuar, e vendosur dhe e justifikuar, sepse Evropa nuk e filloi konfliktin.
“Qëllimi ynë është një zgjidhje e negociuar. Por sigurisht, nëse është e nevojshme, ne do të mbrojmë interesat tona, njerëzit tanë dhe kompanitë tona. Ne të gjithë do të ishim më mirë nëse mund të gjenim një zgjidhje konstruktive. Në të njëjtën kohë, duhet të jetë gjithashtu e qartë se Evropa nuk e nisi këtë konfrontim. Ne nuk duam domosdoshmërisht të ndërmarrim veprime hakmarrëse, por kemi një plan të nevojshëm, solid për ta bërë këtë nëse është e nevojshme”, tha Von Der Leyen.
Sipas diplomates evropiane, taksat do të bëjnë që inflacioni të rritet përsëri.
“Fabrikat amerikane do të paguajnë më shumë për komponentët e prodhuar në Evropë”, vuri në dukje ajo, duke theksuar se e gjithë kjo “do të kushtojë vende pune, do të krijojë një ‘përbindësh’ burokratik të procedurave të reja doganore” dhe “do të jetë një makth për të gjithë importuesit amerikanë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
