.png)
Nga Gazeta ‘SI’ – Guvernatori i Bankës së Shqipërisë Gent Sejko njoftoi sot se politika monetare nuk do të ndryshojë as këtë muaj, ndonëse presionet e inflacionit të brendshëm janë ende të larta.
Sejko tha gjatë fjalës së tij se Këshilli Mbikëqyrës është i gatshëm të rrisë përsëri normën nëse inflacioni bëhet përsëri një kërcënim për ekonominë.
Lidhur me zhvlerësimin e euros, guvernatori tha se forcimi i lekut llogaritet në 12% ndaj euros, e cila është zhvlerësuar nga rritja e flukseve të jashtme që vijnë nga turizmi, investimet dhe tregtinë. Ai mohoi përsëri mundësinë e ndërhyrjes së BSH-së në tregun e kursit të këmbimit, por tha se po konsiderohet përshpejtimi i blerjes së valutës gjatë vitit në funksion të rezervës valutore.
Guvernatori po ashtu përmendi se ndonëse ekonomia ka pasur ecuri pozitive, një ngadalësim ka ardhur si pasojë e rritjes së importeve dhe rënies së eksporteve në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
