Qytetarët në Tiranë janë rikthyer përsëri në protestën kundër rritjes së çmimit të naftës, të mërkurën e 15 qershorit, dy muaj pasi ndaluan protestat e para gjatë marsit.
Këtë herë me sloganin “S’mban më ujë pilafi”,në orën 18:00 qytetarët do të marshojnë drejt Kryeministrisë, si kundërshtim për çmimin e lartë të naftës, me vendim Bordi që vendosi tregtimin me pakicë, 258 lekë/litër. 10 lekë më pak nga çmimi i muajit mars, që nisi protestat.
Thirrja e parë për protestën ishte nga Organizata Politike dhe më pas nga aktivistë të tjerë, të njohur për veprimtarinë e tyre në protesta dhe grupime të tjera.
Herën e fundit, në mars të këtij viti, këto protesta me të njëjtin qëllim vazhduan me ditë dhe bënë jehonë edhe në mediat ndërkombëtare.
Por krijimi i Bordit të Transparencës dhe vendimet për uljen e çmimit të naftës në treg, i zbuti protestuesit dhe protestat ndalën, për t’u rikthyer përsëri në mesin e muajit qershor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
