Kosova do të drejtohet në dy ndeshjet e këtij muaji, në miqësoren me Jordaninë dhe kualifikuesen ndaj Greqisë, nga slloveni Primoz Gliha. Madje, ai ka bërë të ditur edhe listën e lojtarëve të grumbulluar për këto dy ndeshje, ndërkohë që Federata e Futbollit të Kosovës nuk e ka prezantuar ende si trajner.
Kjo situatë vjen për faktin se palët kanë rënë dakord që Gliha të jetë trajner i përkohshëm i Kosovës, më pas do të merret një vendim përfundimtar.
Gliha është 54 vjeç, e njeh nga afër kombëtaren e Kosovës, ndaj dhe emri i tij është përmendur prej kohësh si pasuesi i Bernard Shaland. Në karrierën e tij slloveni ka drejtuar në vendin e tij skuadra si Olimpija Ljubjana, Mura dhe Koper. Gliha gjithashtu ka drejtuar edhe kombëtaren U-21 të Sllovenisë.
Gjatë kualifikueseve të Botërorit, Kosova ka bërë një paraqitje shumë të dobët dhe kjo solli edhe largimin e Shaland.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
