Gazeta Si – Federata Shqiptare e Futbollit organizon më 27 janar mbrëmjen gala “Më të Mirët 2022”, ku do të jepen disa çmime individuele për futbollin e meshkujve dhe femrave.
Janë bërë të ditur ndërkohë lojtarët e nominuar për çmimin e “Topit të Artë 2022”. Ata janë Xhuliano Skuka që tashmë ka kaluar te Metz në Francë, Mentor Mazrekaj i Laçit dhe Redon Xhixha që la Tiranën për Karabagun.
Për “Topin e Artë 2022” te femrat kandidate janë Sara Maliqi, Esmeralda Franja dhe Megi Doçi. Dy trofetë ‘Këpuca e Artë 2022’ do të shkojnë për golashënuesit më të mirë.
Për çmimin “Trajneri i Vitit 2022” kandidaturat janë ato të Mirel Josës, Shpëtim Duros dhe Orges Shehit. “Talenti i Vitit 2022” do të dalë mes Simon Simonit, Arinaldo Rrapajt dhe Rejan Alivodës. Për çmimin “Talentja e vitit 2022” garojnë Rosela Vasa, Gelda Kadiolli dhe Xhesika Ndoj.
Çmimi i nderit “Mirënjohje” do t’i shkojë ekipit të Vllaznisë së vajzave për suksesin e jashtëzakonshëm të kualifikimit për herë të parë në fazën e grupeve të Championsit. Do të zgjidhet edhe “Formacioni i Vitit 2022”, me lojtarët më të dalluar të vitit që shkoi për çdo pozicion.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
