Po duket një krizë që nuk ka fund dhe që frikëson te Skënderbeu. Korçarët kanë pësuar këtë të shtunë edhe humbjen e gjashtë radhazi. Këtë herë 3 pikët bardhekuqve ia mori Kastrioti i vendit të fundit, duke triumfuar 2-1. Kjo është ndeshja që ndërpreu një herë e mirë pretendimet e ekipit korçar për të mbrojtur titullin kampion.
Pas tensioneve të para fillimit të ndeshjes loja filloi disi e vakët dhe ritmi ishte pak u ultë. Ishin vendasit ata që mbanin më shumë topin në minutat e para edhe ose loja në momente të caktuara ishte shumë e ashpër. Me kalimin e minutave Skënderbeu e mori në kontroll lojën, por sërish pa mundur dot të jetë konkret. Pjesa e para do të mbyllej me rrjetat e paprekura dhe dukej sikur golat ishin rezervuar për 45 minutat e dyta.
I pari që kaloi në avantazh ishte Kastrioti me anë të Ymerajt. Pas këtij goli të vendasve erdhi edhe reagimi i Skënderbeut, por Krasniqi ishte i pasaktë në gjuajtjen e tij. Gjithsesi Skënderbeu do të përpiqej sërish dhe goli i barazimit do të vinte në minutën e 80’ nga Kristi Vangjeli. Ndeshja po shkonte drejt një barazimi, por në minutën e 4’ shtesë Roxher gjen golin dhe i jep kështu një fitore shumë të rëndësishme ekipit krutan.
Me këtë fitore Kastrioti lë vendin e fundit dhe hap sfidën për të gjitha ekipet e fundit të tabelës për një sfidë të fortë mbijetese. Ndërsa Skënderbeu është ekipi më bilancin më të keq të dy muajve të fundit dhe duket pjesa e mbetur e sezonit do të jetë për të siguruar qëndrimin në Superligë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
