Nga Gazeta Si - Farmacisti Florian Marku u njoh sot me masën arrest shtëpie në Gjykatën e Tiranës pas skandalit të Onkologjikut. Në dosje thuhet se mjekët e Onkologjikut i shisnin ilaçet për trajtimin e të sëmurëve me tumor në farmaci të ndryshme në Tiranë.
Por, farmacisti Marku mohoi të këtë lidhje, duke thënë se nuk e njeh fare mjekun Edmond Gashi.
Në momentin që doli nga Gjykata e Tiranës, Florian Marku tha se nuk ka asnjë koment fillimisht por me këmbënguljen e gazetarëve, ai ka thënë se nuk ka asnjë lidhje me mjekun Gashi, madje as nuk e njeh.
“S’kam asnjë lloj lidhje, nuk njoh asnjë nga personat”.
Ku i merrnit ilaçet? Sipas prokurorisë ju kishit rol është pyetur farmacisti, i cili ka thënë se “Burimet mund të jenë nga më të ndryshmet. Roli i farmacistit është humanist, që të ndihmojë çdo pacient në kryerjen e detyrës së vet. Gashin nuk e njoh si doktor”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.