Gazeta Si – Roja Bregdetare e Durrësit ka shpëtuar mbrëmjen e së hënës 13 persona që udhëtonin me një skaf, i cili pësoi avari në mes të detit pranë Kepit të Rodonit.
Policia bën me dije se pushuesit shqiptarë, të afërm me njëri-tjetrin po lundronin me skaf, por ky i fundit pësoi defekt. Shërbimet e policisë kufitare u sinjalizuan për rastin rreth orës 22:30.
Skafi “Almena” kërkoi ndihmë për problemin që kishte hasur dhe brenda pak minutash në drejtim të tij u nis anija e Rojës Bregdetare P-04 ”Semani”.
Mjeti lundrues arriti të shpëtohet rreth 100 yard pranë “Kepit të Rodonit” dhe më pas të rimorkohet nga anija e Rojës Bregdetare.
Skafi me flamur shqiptar me 13 persona (8 fëmijë dhe 5 të rritur) në bord u shoqërua për në Portin e Durrësit, ndërkohë që të gjithë persona janë në gjendje të mirë shëndetësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
