.png)
Gazeta Si – Disa dhjetëra bidonë me shishe benzine janë gjetur në det në Gjrin e Vlorës nga Policia Kufitare dhe Guardia di Financa Italiane.
Sipas burimeve paraprake, ngjarja është regjistruar para tre ditësh në afërsi të ishullit të Sazanit, ku u zbuluan rreth 30 bidona të mbushua me lëndë djegëse benzinë.
Dyshohet se një mjet tip skaf i ardhur nga Greqia, është ndjekur nga policia kufitare dhe më pas në ndjekje e sipër, ai ka hedhur bidonët me benzinë në det, duke u larguar sërish drejt Greqisë.
Policia kufitare ka kryer kontrrolle në gadishullin e Karaburunit dhe në ishullin e Sazanit, por pa gjetur asnjë gjurmë nga mjeti detar.
Policia ende nuk ka dalë me një njoftim zyrtar, por dyshohet se skafi që qarkulloi në ujërat shqiptare, bënte linjën e trafikut të drogës Turqi-Greqi.
Pavarësisht se nuk u arrit të kapej mjeti ujor dhe rasti ngeli në tentativë, tashmë kanë nisur hetimet për personat që çuan karburantin në ishullin e Sazanit si dhe motivin e dërgimit të lëndës në ishull.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
