Nga Gazeta Si – Ish-bashkëpunëtori i tij më i ngushtë për gati dy dekada, Lulzim Basha, (por me rrugë të ndara tashmë) nuk ka folur ende për masën e sigurisë vendosur ndaj Sali Berishës për korrupsion pasiv.
Aktualisht kryetar i një partie që pretendon të jetë me e madhja në opozitë, Basha nuk ka përcjellë asnjë qëndrim zyrtar duke preferuar që mesazhet e tij t’i përcjellë në mënyrë indirekte kryesisht në takime me të huajt.
E tille ishte edhe ajo e zhvilluar me Zëvendës Presidentin e Institutit Republikan Ndërkombëtar, Scott Mastic, ku ndër radhë Basha i shprehu mbështetjen për SPAK dhe kthimin e parave të vjedhura shqiptarëve.
“Korrupsioni është pengesa më e madhe për zhvillimin e vendit dhe krijimit të mundësive për të rinjtë, për të ndërtuar jetën e tyre në Shqipëri. Në këtë kuadër theksova mbështetjen e Partisë Demokratike për SPAK-un dhe angazhimin përmes nismave ligjore në parlament për të kontribuar në luftën kundër korrupsionit, veçanërisht në nivelet më të larta. Paratë që u janë vjedhur shqiptarëve dhe kanë përfunduar në llogari bankare, apo janë investuar kudo nëpër botë duhet t’u kthehen shqiptarëve…”, thuhet në njoftimin për shtyp të PD-së zyrtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
