.png)
Gjatë ndeshjes Hungari-Francë, të zhvilluar në “Pushkash Arena”, ka pasur disa episode të pakëndshme. Sulmuesi i “gjelave”, Kulian Mbape, është vënë në shënjestër të tifozëve hungarezë, nga të cilët ka pasur kore raciste dhe gjeste fyese, siç ishte imitimi i majmunit, që i referohej origjinës nga Kameruni të futbollistit të PSG-së.
Sulme raciste nga tifozët hungarezë ka pasur edhe ndaj sulmuesit tjetër francez, Karim Benzema, gjithashtu me origjinë afrikane (Algjeria). Për këto episode, sipas shtypit francez, UEFA ka hapur një hetim dhe pritet të marrë masa. Gjatë ndeshjes Mbape e ka shprehur hapur shqetësimin për atë që po ndodhte. Një sjellje të ngjashme tifozët hungarezë kanë pasur edhe ndaj Kristiano Ronaldos në ndeshjen me Portugalinë.
Stadiumi “Pushkash Arena” është mbushur në kapacitetin e tij maksimal në dy ndeshjet e deritanishme, pasi në Hungari nuk ka kufizime. Deri në këtë moment nuk ka pasur probleme serioze sa i takon sjelljes së tifozëve dhe ky është rasti i parë që UEFA hap një hetim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
