.png)
Ambasada amerikane ka reaguar lidhur me situatën e rëndë të krijuar nga zjarret në Shqipëri, ku pasditen e sotme u shënua viktima e parë në Gjirokastër.
Teksa publikon një video nga aksioni i Forcave të Armatosura nga ajri për shuarjen e flakëve, ambasada shkruan në “Facebook” se SHBA kanë qenë dhe do të qëndrojnë gjithmonë krah Shqipërisë në kohë nevoje.
“Lutjet tona shkojnë për ata që janë prekur nga vatrat e zjarreve në Shqipëri. Shtetet e Bashkuara kanë qenë dhe do të qëndrojnë gjithmonë krah Shqipërisë në kohë nevoje”, shkruhet në postimin e Ambasadës që gjithashtu ka shkruar se pajisjet për shuarjen e zjarrit, të përdorura nga Forcat e Armatosura Shqiptare janë dhuratë nga Shtetet e Bashkuara në vitin 2019.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
