Komisioni i Pavarur i Kualifikimit ka njoftuar se duke filluar nga sot të gjitha seancat dëgjimore me subjektet e rivlerësimit do të bëhen online.
Në një njoftim për mediat, KPK thotë se ky vendim është marrë për shkak të situatës së COVID-19.
Zhvillimi i seancave online do të bëhet deri në datën 6 nëntor 2020, si një masë parandaluese për përhapjen e virusit.
“Dëshirojmë të informojmë opinionin publik se gjatë kësaj periudhe veprimtaria e KPK do të vijojë pa ndërprerje, përmes platformave zyrtare online, në mënyrë që të parandalohet përhapja e mëtejshme e infeksionit si dhe të sigurohet shëndeti i punonjësve”, thuhet në njoftimin e KPK-së.
Ndërkohë, Komisioni i Pavarur i Kualifikimit informon se denoncimet nga qytetarët do të pranohen përmes postës zyrtare elektronike dhe jo fizikisht në zyrat e këtij institucioni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
