.png)
Nga Gazeta ‘SI’- Shqipëria ka produktivitetin më të ulët në rajon.
Matjet e OECD tregojnë se produktiviteti i forcës së punës në Shqipëri është 17.6 dollarë në orë, me diferencë të dukshme nga Bosnja Hercegovina që mban vendin e parafundit, 25 dollarë në orë.
Vendi e parë e mban Mali i Zi ku një orë punë përkthehet në 33.1 dollarë, ndjekur nga Maqedonia e Veriut dhe Kosova.
Raporti thekson se produktiviteti i ulët është problem për të gjithë rajonin dhe në 10 vite është rritur me vetëm 2.6 dollarë, ndërsa në BE është rritur me 7 dollarë.
OECD thotë se produktiviteti i ulët i vendeve të Ballkanit lidhet me ngërçet në sistemin arsimor që shpesh dështon t’i përgatisë njerëzit me aftësitë e kërkuara nga tregu i punës.
Në këtë aspekt, Shqipëria mbetet pas vendeve fqinje, me normën më të ulët të të rinjve që janë të angazhuar vazhdimisht në trajnime apo procese aftësimi që lidhen me tregun e punës. Raporti përmend edhe rezultatet e PISA për të vlerësuar forcën punëtore të shteteve, ku Shqipëria dhe Kosova janë të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
