.png)
Nga Gazeta ‘SI’ – Në dy muajt e parë të vitit 2025, kompanitë e sigurimit në vend kanë arkëtuar 3.8 mld lekë, ose 7% më shumë se një vit më parë.
Njëkohësisht, edhe numri i kontratave të lidhura u rrit me 14%.
Sigurimet e jo-jetës mbajnë më shumë se 90% të tregut dhe ato të jetës rreth 9%.
Në dy muajt e parë të vitit, kompanitë arkëtuan rreth 2.3 mld lekë vetëm nga sigurimet e detyrueshme motorike.
Në portofolat e Pronës, Përgjegjësive, Garancive të cilat në Janar-Shkurt 2025 siguruan mbi 613 milionë lekë të ardhura në total, vendin e parë e zunë Zjarri dhe Dëmtime të Tjera në Pronë me rreth 61.71%, të pasuara nga sigurimi i Përgjegjësisë së Përgjithshme me 24.11% të totalit.
Të ardhurat nga sigurimet e Aksidenteve dhe Shëndetit, gjatë Janar-Shkurt 2025, arritën në rreth 262 milionë lekë, duke shënuar një ulje prej 2.05% në krahasim me Janar-Shkurt 2024.
Gjatë periudhës janar-shkurt 2025, dëmet e paguara bruto në tregun e sigurimeve, arritën në rreth 1.2 mld lekë, ose 1.28% më pak se në janar-shkurt 2024. Nga këto, 965 milionë lekë janë dëme motorike, që janë shtuar me 18.4% nga viti i shkuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
