.png)
“Unë nuk mendoj se me pëlqente aq shumë, derisa e pashë atë me atë veshje,” tha Ëhoopi Goldberg në dokumentarin e ri “Super/Man: The Christopher Reeve Story”. Goldberg, natyrisht, po i referohej kostumit të vitit 1978 dhe pelerinës së kuqe që Reeve kishte veshur në adaptimin e parë ndonjëherë të serisë së librave komik.
Që atëherë, kostumi i veshur nga alter-ego e Clark Kent ka mbetur kryesisht i pandryshuar gjatë dekadave, veçanërisht kur krahasohet me homologët e tij heroikë. Ndërsa Batman bëri ndryshime në kostum, Supermeni u mbajt i fortë me kostumin e tij. Dhe ndonëse sigurisht kemi parë një shumëllojshmëri nuancash blu, uniforma e Supermenit është ende e dallueshme menjëherë ndër breza. Në fakt, ka vetëm një film – “Njeriu prej çeliku” i Zack Snyder i vitit 2013, në të cilin Supermeni nuk i vesh mbathjet e tij ikonë me rripa të kuq.
Ky kostum i veçantë ishte “i bazuar në kulturën e planetit të tij të lindjes, Krypton”, i tha CNN-së me email stilisti i kostumeve Michael Ëilkinson.
“Ne vizatuam shumë versione të kostumit dhe një ditë bëmë një pa mbathje dhe dukej se ishte më i përshtatshmi për vizionin tonë.”
Por jo vetëm që superkostumi i Superman është një fener për fansat e tij, por është gjithashtu një burim befasues frymëzimi për stilistët e modës.
Një pjesë e vogël e markave luksoze të modës e kanë konsideruar heroin e librit komik si një muzë. Në vitin 2008, Instituti i Kostumeve të Muzeut Metropolitan të Artit të Nju Jorkut organizoi një ekspozitë mbi superheronjtë, të titulluar “Modë dhe fantazi”. Në shfaqje ishin rreth 60 ansamble, nga kostumet e filmave deri te moda e lartë.
Një pjesë e tillë ishte fustani blu mbretëror i vitit 2006 i stilistit gjerman Bernhard Ëillhelm, i zbukuruar me një logo të përgjakur të Superman ‘S’.
“Sot, imazhet e superheronjve kanë mbushur pothuajse çdo aspekt të kulturës popullore,” tha kuratori i institutit, Andreë Bolton, në atë kohë.
“Kostumi ikonë i superheroit me pelerine, maskë dhe trupore gjen shumë ndryshime në modë. Por përqafimi i superheroit nga moda shtrihet përtej ikonografisë, tek çështjet e identitetit, seksualitetit dhe nacionalizmit.” Ai shtoi se moda ndan me superheroin “një lakueshmëri e natyrshme metaforike që nxit magjepsjen e saj me idenë dhe idealin e superheroit”.
Disa vite më vonë, stilisti amerikan krijoi një fustan maxi me tegela blu mbretërore me mëngë të gjata për koleksionin vjeshtë-dimër 2011 të Moschino. Në pjesën e përparme ishte një logo e ri-imagjinuar “S” – shkronja ishte zëvendësuar me një pikëpyetje.
“Duhet të argëtoheni me modën”, tha Scott për Vogue në atë kohë. Ai prezantoi edhe një bluzë me të njëjtën pikëpyetje. Një vit më pas, Chanel organizoi shfaqjen e saj të pistës vjeshtë-dimër 2012 brenda asaj që shtypi e krahasoi me Kalanë e Vetmisë, strofullin e kristaltë të Supermenit.
Pjestari i grupit Smashing Pumpkins, Billy Corgan, kishte veshur një triko të zezë me emblemën në rozë dhe të verdhë në një shfaqje të vitit 1993 në Çikago Grupi madje përfshiu ikonë “S” në linjën e tyre të veshjeve, ndërsa Eminem krijoi versionin e tij “Super-E” në 2002.
Ishte shumë larg imazhit tradicional të maskulinitetit të patëmetë të hedhur nga Christopher Reeve në vitet 1970, i cili punonte disa orë në ditë për t’u siguruar që Supermeni nuk ishte “një krijesë sit ë gjitha”. Por në fillim të shekullit, personazhi i librit ishte zgjedhur nga legjione muzikantësh dhe krijuesish, të cilët ishin më shumë artistikë sesa atletikë.
“Kur hulumtova kostumin Superman si pjesë e përgatitjes sime të dizajnit, kuptova se sa shumë rezonancë ka kostumi,” tha Ëilkinson.
“Kaq shumë njerëz e kanë marrë kostumin dhe i kanë dhënë ndryshimin e tyre, e kanë përdorur për të ndihmuar në rrëfimin e historisë së tyre nga perspektiva e tyre, pavarësisht nëse është nderuese, ironike apo diku në mes. Mendoj se kostumi i Supermenit ngjall diskutime rreth konceptit të një ‘ideali’, një ‘përsosmërie’, një koncept që ka magjepsur artistët krijues për mijëra vjet.”
Sot, duket se po dëshmojmë një tjetër ngritje të modës së superheronjve. Verën e kaluar, Marc Jacobs ri-lëshoi një version të përditësuar të një triko klasike të zbukuruar me lesh kashmiri ‘S’ të prodhuar fillimisht në fund të viteve 1990. Në mënyrë të ngjashme, bluzat e Supermenit me pamje vintage u panë jashtë shfaqjes vjeshtë-dimër 2024 në Javën e Modës në Nju Jork.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
