.png)
Nga Gazeta “SI” – OpenAI ka hapur “Kutinë e Pandorës” kur bëhet fjalë për gjenerimin e imazheve me Interligjencë artificiale, një teknologji që ka ekzistuar tashmë për disa vjet. Por tani, Chat GPT 4o ka formën e vet të gjenerimit të imazheve, duke mundësuar jo vetëm krijimin e fotove, por edhe ngarkimin e imazheve dhe transformimin e tyre në një stil të caktuar me lehtësi.
Ky zhvillim ka nxitur një tendencë në Twitter, e bazuar në koleksionin e dashur të filmave animuar të Studio Ghibli, të udhëhequr nga legjenda Hayao Miyazaki, të cilët kanë një pamje karakteristike që nuk është riprodhuar kurrë më parë. Deri tani, ky stil po riprodhohet nga AI.
“Njerëzit po ngarkojnë fotot e tyre personale, duke i adaptuar memet në këtë format. Për çdo artist apo adhurues të animacionit, tendenca e Ghibli bazuar në këtë teknologji të re të AI duket si një zhgënjim i madh” u shpreh kolumnisti i “Forbes” ,Paul Tassi.
Të shohësh këtë trend të shfaqet kudo në internet si demostrimi i madh i teknologjisë AI është një goditje për shpirtin krijues. Miyazaki vetë ka kritikuar ashpër një demo të teknologjisë AI për animacionin:
“Jam plotësisht i neveritur. Asnjëherë nuk do të doja ta inkorporoja këtë teknologji në punën time. E ndjej fort se ky është një ofendim për vetë jetën.”
Përtej kësaj deklarate CEO i OpenAI, Sam Altman, ka ndryshuar foton e profilit në një version të tijin në stilin Ghibli.
Por OpenAI e ka kuptuar shpejt se kjo mund të sjellë disa probleme, pasi është përpjekur të vendosë disa kufizime në këtë tendencë, duke bërë që ndonjëherë kërkesat që përmendin “stil Ghibli” të kthejnë një mesazh që thotë se kjo është e pamundur për shkak të kufizimeve.
Ky zhvillim është konsideruar shkatërrues për disa adhurues të Ghibli, por edhe i animacionit dhe artit më gjerësisht.
Studio Ghibli është një kompani japoneze e prodhimit të filmave animuar, e njohur për krijimin e disa prej filmave më të dashur dhe më të suksesshëm të animacionit në botë. Ajo është themeluar në vitin 1985 nga dy animatorët e njohur, Hayao Miyazaki dhe Isao Takahata, dhe ka prodhuar një gamë të gjerë filmash të njohur dhe kritikisht të vlerësuar.
Filmat e Ghibli shpesh përfshijnë histori fantastike, personazhe të mrekullueshëm dhe elemente natyrore, shpesh duke trajtuar tema si mjedisi, lufta, dashuria, dhe rritja. Pjesa më e madhe e filmave të Ghibli kanë një shpirt dhe mesazh të thellë, që i bën ata të ndihen si më shumë se thjesht animacione për fëmijë.
“Spirited Away” (2001) është dhe një nga filmat e Miyazaki që fitoi çmimin Oscar për “Filmin më të Mirë të Animuar” dhe është një nga filmat më të njohur të Ghibli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
