Gazeta Si – Për Kristjan Asllanin po flitet gjithmonë e më shumë. Ai është një nga lojtarët e rinj më të mirë të Serisë A. Mesfushori i Kombëtares shqiptare ka zhvilluar një sezon fantastik me Empolin dhe klubet e mëdhë janë vënë në ndjekje të tij.
Ka lindur në Elbasan, por është rritur në Itali dhe mund të kishte zgjedhur ‘axurrët’, të cilët, me sa duket, nuk kanë bërë përpjekje për ta marrë Asllanin. Lele Adani, ish-futbollist dhe tani opinionist futbolli në Itali ka hapur së fundi një debat në lidhje me këtë çështje, duke e ngritur në qiell lojtarin kuqezi.
“Ai është nga të rinjtë më të mirë të kampionatit. Kush do ta blejë nga Empoli Asllanin, do ta kuptojë se çfarë goditje ka bërë. Nuk e di se si nuk e ka parë Italia, por e ka parë Shqipëria? Ai është rritur në Empoli”, – është shprehur Adani për “Bobo tv”.
Falë paraqitjes shumë të mirë që ka bërë këtë sezon, Asllani është vënë në shënjestër të klubeve me emër në Itali. Interi e sheh si një zëvendësues të mundshëm të Brozoviç, por janë edhe shkuadra të tjera që e duan Asllanin aktualisht. Trajneri i Kombëtares, Edi Reja, ia ka propozuar Napolit.
What a calm, composed touch and finish https://t.co/sT76T1dfog
— Albanian Football 🇦🇱 (@AlbanianFooty) May 6, 2022
Në Kombëtaren shqiptare pritet që Asllanin ta shohim si një pikë kyçe. Me aftësitë që zotëron, ai mund ta ndihmojë shumë skuadrën tonë në ndërtimin e aksioneve. Mesfushori ka një personalitet të jashtëzakonshëm në fushë dhe manifeston një pjekuri për t’u admiruar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
