.png)
Njerëzit të cilët janë të privuar nga gjumi kanë probleme me ecjen, sipas një studimi të ri. Hulumtimi, i udhëhequr nga shkencëtarët në Universitetin e Brazilit, zbuloi se njerëzit që flenë më pak se sasia e rekomanduar e gjumit kanë probleme me ecjen. Duke përdorur studentë vullnetarë për një periudhë prej 14 ditësh, studiuesit zbuluan se sa më pak gjumë të bëjë një student (mesatarisht, gjashtë orë në natë), ata kishin më pak kontroll kur ecnin. Për studentët që nuk flinin fare, kontrolli i ecjes binte totalisht.
“Shkencërisht, nuk ishte e qartë se aktivitetet pothuajse automatike si ecja do të ndikoheshin nga mungesa e gjumit”, tha një nga autorët e studimit, Hermano Krebs, në një deklaratë.
Studiuesit më parë besonin se ecja ishte një proces automatik, por kjo është e vërtetë vetëm për kafshët dhe Krebs shtoi se ‘ideja ishte më e diskutueshme tek njerëzit’. Në vend të kësaj, ecja në fakt kërkon pak më shumë përfshirje të trurit sesa mendohej më parë, pasi studiuesit kanë identifikuar ecjet e njerëzve dhe mekanikën e ecjes në një përpjekje për të ndihmuar në krijimin e robotëve për pacientët me goditje në tru ose të tjerët që kanë vuajtur probleme shëndetësore.
“Rezultatet tona tregojnë se privimi i pjesshëm ose i plotë i gjumit çon në një ulje të performancës në kontrollin sensorimotor të ecjes. Performanca superiore e grupit të gjumit kronik kur krahasohet me grupin akut, gjë që tregon se ekziston një mekanizëm kompensues që ndihmon në përmirësimin e performancës motorike,” shkruajnë studiuesit në studim.
Krebs, i cili ka bërë studime të mëparshme mbi këtë temë, zbuloi më parë se personat që flenë normalisht ndryshojnë paksa ecjen e tyre pa e kuptuar se po e bëjnë atë vetëm duke e parë.
Kjo tregon se ekziston një nivel i ndikimit të vetëdijshëm.
“Rezultatet tregojnë se ecja nuk është një proces automatik dhe se mund të ndikohet nga privimi i gjumit”, tha Krebs.
Ata gjithashtu tregojnë strategji për zbutjen e efekteve të mungesës së gjumit. Idealisht, të gjithë duhet të flenë tetë orë në natë. Por ekspertët thonë se nëse nuk mundemi, atëherë duhet të kompensojmë orët e gjumit sa më shumë të jetë e mundur. Studimi u publikua të martën në revistën shkencore “Scientific Reports”.
Burimi: Daily Mail/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje