Si mund të ndihmojnë kërpudhat në stabilizimin e klimës?

Rrjetet e rrënjëve të kërpudhave janë një “lavaman” i madh natyror për miliarda ton dioksid karboni që ngroh planetin.
Kërpudhat janë vetëm “fruta” sipërfaqësore dhe një pjesë e vogël e rrënjëve të tyre janë të ndërthurura në tokë bashkë me rrënjët e pemëve.
“Fijet” e vogla formojnë një rrjet mikorizal, i cili vepron si rrugë ndërmjet bimëve për të kaluar ujin, karbonin dhe mineralet e tjera.
Nisma e re, e udhëhequr nga Shoqata për Mbrojtjen e Rrjeteve Nëntokësore (SPUN), synon të shpëtojë këto rrjeta kërpudhash.
“Ato janë pak të njohur dhe pak të vlerësuara, pavarësisht se mbajnë një të katërtën e të gjitha specieve dhe ofrojnë një lavaman natyral për miliarda ton dioksid karboni (CO2) që ngroh planetin”,thotë SPUN.

Sipas një vlerësimi, 5 miliardë tonë CO2 derdhen në rrjetet kërpudhore çdo vit, që barazohet me më shumë se gjysmën e emetimeve të CO2 të shkaktuara nga njeriu në vitin 2021. Dhe kërkimet që janë duke u zhvilluar aktualisht kanë tregohen se mund të jetë edhe trefishi i kësaj sasie.
Zgjerimi bujqësor, ndotja, urbanizimi dhe humbja e pyjeve po shkatërrojnë rrjetet e kërpudhave, sipas SPUN. Në trajektoren aktuale, më shumë se 90 për qind e sipërfaqes së Tokës do të degradohet deri në vitin 2050.
“Ky është një projekt konservues jashtëzakonisht i rëndësishëm. Një kuptim i rrjeteve kërpudhore nëntokësore është thelbësor për përpjekjet tona për të mbrojtur tokën, nga e cila varet jeta, para se të jetë tepër vonë, “thotë biologja Jane Goodall.
SPUN planifikon të punojë me studiues, aktivistë dhe komunitete lokale anembanë botës për projektin. SPUN do të mbledhë 10,000 mostra shtesë nga të gjitha kontinentet në 18 muajt e ardhshëm për të identifikuar pikat e nxehta të sekuestrimit të karbonit. Ata do të identifikojnë vendndodhjet me prioritet të lartë me potencialin për të ruajtur më shumë karbon dhe për t’i mbijetuar ndikimeve ekstreme të shkaktuara nga kriza klimatike.
Projekti është duke u financuar nga Jeremy dhe Hannelore Grantham Environmental Trust.
Jeremy Grantham, një investitor me origjinë britanike, i cili ka premtuar 98 për qind të vlerës së tij neto prej shumë milionë dollarësh për të luftuar krizën klimatike, thotë se poshtë tokës qëndron një aleat i paçmuar në zbutjen e ndryshimeve klimatike. Miliarda ton dioksid karboni rrjedhin çdo vit nga bimët në rrjetet kërpudhore. E megjithatë, këto lavamane karboni nuk janë vlersuar.

Burimi:The Independent/Përshtati:Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.