.png)
Një studim i ri i shfaqur në revistën “JAMA Network OpenTrusted Source” ka zbuluar se të mbijetuarit e Covid-19 mund të përjetojnë dëmtime njohëse, i njohur si mungesa e përqendrimit, për disa muaj pas diagnozës. Shumica e studimeve të tjera deri më sot, duke përfshirë një studim të gjerë në Mbretërinë e Bashkuar, kanë përdorur konfirmimin e vetë-raportuar nga njerëz të infektuar për të vlerësuar deficitin njohës. Në këtë studim të ri, të gjithë pjesëmarrësit iu nënshtruan testimit psikologjik personal për të vlerësuar funksionin njohës. Autorja përkatëse e studimit, Jacqueline Becker e Shkollës së Mjekësisë Icahn në Mount Sinai, tha se një nga pikat e forta të studimit ishte masa njohëse e besueshme dhe të vlefshme.
”Studimi ndër seksional vlerësoi funksionimin njohës të 740 personave që ishin shëruar nga COVID-19 midis prillit 2020 dhe majit 2021. Të gjithë kishin marrë trajtim spitalor për COVID-19, si pacientë ambulatorë, të shtruar ose pacientë në departamentin e urgjencës,” shtoi Becker.
Studiuesit përdorën masa të vërtetuara mirë neuro-psikologjike për të hetuar vëmendjen, kujtesën e punës, shpejtësinë e përpunimit, funksionimin ekzekutiv, kodimin e kujtesës, rikthimin e kujtesës dhe njohjen.
Të gjithë pjesëmarrësit ishin të moshës 18 vjeç ose më të vjetër me një moshë mesatare 49 vjeç dhe pa histori të demencës. Ekipi pa edhe indikatorë të tjerë si raca, përkatësia etnike, konsumimi i duhanit, indeksin e masës trupore, sëmundjet shoqëruese dhe depresionin. Koha mesatare që nga diagnoza e COVID-19 ishte 7.6 muaj. Studiuesit u dhanë pjesëmarrësve një pikë për secilën nga kategoritë e vlerësuara. Ata regjistruan dëmtime njohëse në çdo kategori në të cilën personi shënoi më shumë se 1.5 devijime standarde nën normën e pritur për moshën, nivelin arsimor dhe gjininë e tyre.
Në vlerësim, 24% e pjesëmarrësve kishin probleme me mësimin e informacionit të ri, të njohur si kodimi i kujtesës. Kodimi i kujtesës i cila i referohet marrjes së informacionit të mësuar më parë, ishe i dëmtuar në 23% të pjesëmarrësve dhe koha e nevojshme për të përfunduar një detyrë mendore, ose shpejtësia e përpunimit të informacionit, ishte më e ngadaltë në 18% të pjesëmarrësve. Studiuesit vunë re efekte më të rëndësishme te njerëzit që ishin shtruar në spital sesa te ata që morën trajtim si pacientë ambulatorë ose në departamentin e urgjencës. Në krahasim me pacientët ambulatorë, njerëzit e shtruar në spital kishin 2.8 herë më shumë gjasa të shfaqnin probleme të vëmendjes dhe 2.3 herë më shumë gjasa të kishin probleme me kodimin e kujtesës. Ata kishin gjithashtu 1.8 herë më shumë gjasa të kishin probleme me funksionimin ekzekutiv, gjë që mund të ndikojë në fusha të tjera të funksionit njohës, si kujtesa.
“Pacientët e shtruar në spital kishin një frekuencë më të lartë të dëmtimit, por ne e pamë atë edhe te pacientët ambulatorë dhe ata të trajtuar në departamentin e urgjencës”, tha Becker.
Studimi tregoi dëmtim konjitiv te njerëzit pothuajse 8 muaj pas diagnostikimit me Covid-19. Megjithëse dëmtimi njohës ka ndodhur më parë tek të rriturit e moshuar pas infeksioneve virale dhe kujdesit kritik.
Autorët e studimit bëjnë thirrje për punë të mëtejshme për të identifikuar faktorët e rrezikut dhe mekanizmat që qëndrojnë në themel të mosfunksionimit njohës, si dhe opsionet për rehabilitim.
Christopher Coleman, asistent profesor i imunologjisë së infeksionit në Universitetin e Nottingham, Mbretërinë e Bashkuar pajtohet se studimi ngre pyetje të mëtejshme.
“Pyetja më e madhe për mua është dëmtimi njohës i lidhur drejtpërdrejt me infeksionin SARS-CoV-2, sa ka ndikuar sëmundshmëria dhe a do të ndikojë ky rezultat në ndryshime në shoqëri,” shtoi Coleman.
Shkaku mund të jetë i paqartë, por studimi tregon se dëmtim njohës është prezent te disa persona që shërohen nga infeksioni SARS-CoV-2. Kjo shton çështjet që do të duhet të adresohen si pjesë e trajtimit afatgjatë të Covid-19, i cili është ende shumë i përhapur në mbarë botën.
Burimi: MedicalNews/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje