Gazeta Si – Legjenda e futbollit francez, protagonist i Kupës së Botës në 1958-ën, me 13 gola, është shuar në moshën 89-vjeçare.
Bota e futbollit qan për vdekjen e Just Fontaine. Emri i tij është ende i lidhur me rekordin e golave të shënuar në një edicion të vetëm Botërori. Ai ka shënuar 13 gola në 6 ndeshje me Francën. Ishte viti 1958 dhe në Botërorin e zhvilluar në Suedi triumfonte Brazili i Pelesë.
Légende du football français, l'ancien attaquant de Reims et des Bleus Just Fontaine est mort à l'âge de 89 ans. https://t.co/0eduzebs7r pic.twitter.com/OmHJBDegP6
— L'ÉQUIPE (@lequipe) March 1, 2023
I lindur në Marok në 1933-shin, Fontaine ka fituar tre kampionate me Stade Reims. Ai u tërhoq nga futbolli i luajtur në moshën 29-vjeçare për shkak të një dëmtimi të rëndë.
Si trajner ka drejtuar Paris Saint-Germain nga 1973-shi në 1976-ën. Po ashtu, ai ka qenë trajner i kombëtares së Marokut në periudhën 1979-1981. Ka drejtuar edhe kombëtaren franceze, por vetëm në dy ndeshje miqësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
