.png)
Nga Sport.PL – Polonia u kualifikua në dy turnetë e fundit madhorë- Kupën e Botës në Katar dhe “UEFA Euro 2024” përmes playoff-it. Këtë herë, beteja për kualifikim në Kupën e Botës në Shtetet e Bashkuara, Kanada dhe Meksikë është dukshëm më e vështirë. Kuqezinjtë nuk kanë luajtur ende në një Kupë Bote. Megjithatë, ata po përjetojnë sezonin më të mirë në historinë e tyre. Ata kanë marrë pjesë në “UEFA Euro 2016” dhe “Euro 2024”. Dy herë janë eliminuar në fazën e grupeve, por herën e parë mundën Rumaninë 1-0, ndërsa herën e dytë barazuan 2-2 me Kroacinë.
Portieri Thomas Strakosha, mbrojtësit Elseid Hysaj, Adrian Ismajli dhe Berat Gjimshiti duket se përbëjnë një bosht të palëvizshëm pasi janë emra që e mundën Poloninë në Tiranë në Shtator 2023 dhe luajtën kundër Anglisë në Nëntor 2025 në eleminatoret e Kupës së Botës. E njëjta gjë vlen edhe për mesfushorin Kristjan Asllani dhe sulmuesin Myrto Uzuni.
Jasir Asani dhe Mirlind Daku, të cilët shënuan kundër Polonisë, ishin në stol kundër Anglisë dy vite më vonë. Sylvinho nuk po e përfshin këtë të fundit në playoff.
Shqipëria ka një formacion të qëndrueshëm, me lojtarë të stërvitur mire që preferojnë kundërsulmin, por janë gjithashtu të aftë të zhvillojnë lojë pozicionale në fushë. Sfida e saj qëndron te fakti se humbja është e paimagjinueshme në Poloni.
Një fitore të enjten në “Stadiumin Kombëtar” konsiderohet minimumi i kërkuar, pasi presioni psikologjik mbi favoritin është më i madh në ndeshje të tilla. Për këtë arsye, trajneri Jan Urban shmang spekulimet nëse do të preferonte të përballej me Suedinë apo Ukrainë në Finale. Në çdo rast, shkalla e vështirësisë do të jetë e madhe.
Skuadra e Sylvinho-s humbi dy herë ndaj anglezëve. Ndërkohë, skuadra e Urban barazoi 1-1 në dy ndeshje me Holandën, ku sidomos ndeshja e fundit në Varshavë tregoi se polakët ende kanë cilësi të konsiderueshme. Pavarësisht se 4 vitet e fundit kanë qenë jashtëzakonisht të vështira, madje në disa momente edhe traumatike për Poloninë, Czeslaë Michnieëicz e çoi ekipin në 1/8 e finaleve në Kupën e Botës në Katar. Ajo kaloi fazën e grupeve për herë të parë që nga viti 1986. Loja e ekipit nuk ishte tërheqëse dhe shumë mbrojtëse, por trajneri humbi punën për arsye josportive.
Ai u detyrua të largohej për shkak të një skandali me bonuse shpërblyese. Kryeministri i atëhershëm, Mateusz Moraëiecki, premtoi 30 milionë zloty për lojtarët në rast kualifikimi nga grupi, gjë që shkaktoi reagim të madh publik. U duk sikur futbollistët milionerë po kërkonin para publike, dhe Michnieëicz e pagoi këtë me vendin e punës.
Periudhat e dy trajnerëve pasues- Fernando Santos dhe Michał Probierz- u shoqëruan me humbje turpëruese ndaj Moldavisë në Chișinau dhe Finlandës në Helsinki. Kjo e fundit u parapri nga një konflikt me Robert Leëandoëski-n për shiritin e kapitenit, pas të cilit sulmuesi i Barcelonës njoftoi se nuk do të luante më për kombëtaren nën drejtimin e Probierz.
Urban riktheu qetësinë në skuadër. Trajneri i ri drejtoi 6 ndeshje pa humbje- 4 fitore dhe 2 barazime kundër Holandës. Tani vjen pjesa më e rëndësishme. Në play-off, sfidat janë shumë të mëdha, presioni është i jashtëzakonshëm dhe nuk ka vend për gabime. Trajneri e di këtë. Për të lënë pas traumën e 4 viteve të fundit, polakët duhet të fitojnë të drejtën për të luajtur në Kupën e Botës në SHBA, Kanada dhe Meksikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje