Këshilli i Lartë Gjyqësor ka shtyrë për në 16 shkurt seancën për shkarkimin e gjyqtares së Krujës, Enkeleda Hoxha.
Shtyrja është bërë me kërkesë të gjyqtares për t’u njohur me provat kundër saj. Kjo është hera e dytë që seanca shtyhet me kërkesë të saj.
Shkarkimi i Hoxhës është kërkuar nga Inspektorati i Lartë i Drejtësisë për shkelje të rënda profesionale që diskreditojnë pozitën dhe figurën e gjyqtarit gjatë ushtrimit të detyrës.
Kjo kërkesë e ILD-së erdhi pas inspektimit të vendimeve për lirimet e parakohshme nga burgu të Endrit Dokles, Ilir Pajës dhe Hekuran Billës.
“Veprimet dhe sjelljet e magjistrates përbëjnë shkelje disiplinore që kanë sjellë përfitim të padrejtë për palët në një proces gjyqësor në kundërshtim me ligjin. 6 vendime të dhëna prej gjyqtares në harkun kohor nga maj 2017- shkurt 2019, përbëjnë akte që diskreditojnë pozitën dhe figurën e gjyqtarit”, thuhej në shkresën e ILD-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
