.png)
Gazeta Si – Ylli i famshëm amerikan i muzikës pop, Rihanna, ndodhej në rezidencën e saj në Beverly Hills, Kaliforni, kur disa të shtëna me armë zjarri goditën shtëpinë e saj.
Një grua 30-vjeçare qëlloi me një pushkë gjysmëautomatike AR-15 dhe u arrestua menjëherë nga policia. Sipas raporteve të policisë, nuk u raportuan të lënduar.
Shkaku i të shtënave është i panjohur. Të shtënat u dëgjuan në Beverly Hills në orët e para të pasdites së së dielës, 8 mars.
Sipas hetuesve, gruaja 30-vjeçare u drejtua me makinë drejt shtëpisë së këngëtares me një makinë tip “Tesla” të bardhë.
Pasi automjeti u ndal, ajo uli dritaren dhe hapi zjarr ndërsa qëndronte në sediljen e shoferit, duke qëlluar të paktën dhjetë herë.
Pastaj, duke shtypur pedalin e gazit, ajo iku. Katër të shtëna goditën pjesë të pronës së Rihanës, raportoi policia e Los Anxheles.
Gruaja që besohet të jetë autore e sulmit me armë është arrestuar. Por mediat amerikane raportojnë se një plumb depërtoi në murin e shtëpisë dhe Rihana ndodhej në shtëpi.
Rezidenca në Beverly Hills, një qytet luksoz pak jashtë Los Anxheles, ka qenë shtëpia e këngëtares së famshme për vite me radhë, së bashku me partnerin e saj, reperin A$AP Rocky dhe tre fëmijët e tyre të vegjël. Prona, e blerë në vitin 2020, vlerësohet afërsisht 18 milionë dollarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje