Shtatori për Bitcoin ka nisur ashtu siç ishte parashikuar; negativ.
Kriptomonedha më e madhe në botë po tregtohet me 55 mijë dollarë, vlera më e ulët ndër muaj.
“Shtatori ka histori negative për Bitcoin gjithmonë, por ndoshta ne mund të ndryshojmë narrativën këtë herë. Një kombimin e uljes së normës së interesit nga Banka Federale në SHBA dhe një rritje e mirë e të dhënave ekonomike mund të rikthejnë entuziazmin”, thotë Ed Hindi, drejtues i investimeve në Tyr Capital.
Të dhënat e shkuara tregojnë se me të vërtetë shtatori është muaji më i keq për kriptot. Në 11 vite, Bitcoin zhvlerësohet mesatarisht me 4.5% gjatë këtij muaji.
Ethereum, kriptomonedha e dytë më e madhe, po shitet me 2.5 mijë dollarë, me një rënie 1%.
Solana, Ripple, Shiba Inu, Chainlink, Bitcoin Cash, Leo dhe Near Protocol reflektuan po ashtu rënie të çmimeve të premten.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
