Gazeta Si-Ministri i Shëndetësisë, Rifat Latifi, ka bërë të ditur se sot do të bëhet shqyrtimi i masave kundër COVID-19 nga komiteti për menaxhimin e pandemisë.
Në mbledhjen e cila fillon në orën 14:00 do të bëhet vlerësimi i situatës epidemiologjike dhe do të analizohet vendosja e masave të reja.
Raportohet se ora policore mund të përgjysmohet ose edhe të hiqet ndërsa orari për gastronominë do zgjatet deri në orën 23:00.
Edhe masa për dëshminë e tri vaksinave për të hyrë në Kosovë pritet të hiqet. Ky vendim hasi në shumë kundërshtime nga bizneset dhe qytetarët të cilët u ankuan se masat e vendosura në pikat kufitare të vendit, paraqesin ndikim negativ për të gjithë bizneset që dëshirojnë të operojnë edhe jashtë.
Avokati i Popullit para pak ditësh ka dalë me një opinion juridik përmes së cilit i ka kërkuar Qeverisë së Kosovës t’i rishqyrtojë masat anti-COVID që janë në fuqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
