.png)
Nga Gazeta ‘SI’ – Shqiptarët do të paguajnë vetëm 50 euro për Kartonin Jeshil, vetëm për territorin e Malit të Zi.
Pas një marrëveshje të Autoriteti i Mbikëqyrjes Financiare dhe Byrosë Shqiptare të Sigurimit u vendos ulja e çmimit të siguracionit, që do të zgjasë 12 muaj.
“Bazuar në vendimin e BSHS, qytetarët shqiptarë mund të pajisen me policën e sigurimit “Karton Jeshil” me vlefshmëri 12-mujore nga data e lëshimit, e cila mbulon ekskluzivisht territorin e Malit të Zi. Polica e sigurimit mund të blihet në pikat e kalimit kufitar të Muriqanit, Hanit të Hotit, Grabomit dhe Vermosh”, njofton Byroja.
Kartoni Jeshil është një dokument sigurimi ndërkombëtar, që mbulon përgjegjësitë e drejtuesve të mjeteve me targa shqiptare në rast aksidenti gjatë qarkullimit jashtë territorit të vendit. Çmimi varet nga lloji i mjetit dhe kohëzgjatja. P.sh për një autoveturë me kohëzgjatë 1 vjeçare, primi mund të tejkalojë dhe vlerën e 200 eurove.
Kjo masë lehtësuse pritet të ketë një ndikim të drejtpërdrejtë në intensifikimin e shkëmbimeve ekonomike ndërkufitare me Malin të Zi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
