.png)
Eurostat ka publikuar raportin e borxhit publik gjatë vitit 2020 dhe Shqipëria renditet në vendin e 13 në 36 vende të rajonit. Sipas raportit, borxhi publik i Shqipërisë gjatë vitit 2020 arriti në nivelin e 78.5% në raport me PBB-në e vendit. Përafërsisht me të njëjtën shifër të publikuar nga MFE-ja në vendin tonë ku borxhi vlerësohej në 77.8% të PBB-së së vendit, rritur me 11.6%
Krahasuar me nivelin e 66.2% që ishte në fund të vitit 2019.
Borxhi i BE-së u rrit në 90.7% nga 77.5% që ishte në fund të vitit 2019.
Vendi europian me borxhin më të lartë në raport me PBB-në gjatë 2020-ës ishte Greqia me 205% ndjekur nga Italia me 155.5%, Portugalia me 133.6%, Spanja 120 %, Qipro me 118%, Franca me 115%, Belgjika me 114%, Kroacia, 88.7%, Austria 83.9%, Sllovenia 80.8%, Hungaria 80.4%, Mali i Zi 79.4% dhe Shqipëria 78.5%.
Ndër venet me borxhin më të vogël rënditej e para Estonia me 18.2% të PBB-së, Kosova me 19.9%, Luksemburgu me 24.9%, Bullgaria me 25%, Bosnia 37.7% dhe Çekia me 38%, Suedia me 39.9% dhe Turqia me 41.4%.
Eurostat raporton se rritja e borxhit të vendeve të Europës fshihej pas arsyeve të tilla si tkurrja e PBB-së, zgjerimi i shpenzimeve dhe rënia e të ardhurave buxhetore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje