.png)
Nga Gazeta ‘SI’ – Shqipëria është ndër vendet ku Europa ka vendosur të shtojë monitorimin e saj për rrezikun e monitorimit të parave, pak ditë më parë dhe duke e lënë atë përsëri përsëri në Listën Gri të juridiksioneve me risk.
FATF, Task Forca Financiare Botërore dhe MONEYVAL, struktura kundër pastrimit të parave në Komisionin Europian i bëjnë thirrje Shqipërisë që të tërheqë plotësisht draftin për Amnistië Fiskale ose ta konsultojë atë me strukturat e BE-së.
“FATF mbetet e shqetësuar për planin e Shqipërisë për miratimin e Amnistisë Fiskale, e cila nuk përputhet me parimet e reformave kundër pastrimit të parave.
Shqipëria duhet të garantojë që amnistia nuk do të krijojë hapësirë për individët apo subjektet fizike të legalizojnë asete me origjinë të paligjshme dhe se ajo ka të bëjë vetëm me pasaktësinë ose mos raportimin e mëparshëm të të ardhurave të tatueshme”, – thuhet në raport.
Gjithsesi, FATF thekson se Shqipëria ka bërë hapa para në adresimin e rasteve të pastrimit të parave.
Raporti i FATF dhe MONEYVAL:
“Që nga shkurti i vitit 2020, Shqipëria pati një përkushtim të lartë politikë për punën me FATF, Task Forca Financiare Botërore dhe MONEYVAL, struktura kundër pastrimit të parave në Komisionin Europian.
Shqipëria ka ndërmarrë disa hapa për ta çuar më tej luftën e parandalimit të parave, duke përfshirë demonstrimin e një rritjeje domethënëse të numrit të rasteve të paditura të pastrimit të parave, veçanërisht ato që rrjedhin nga jashtë.
FATF ka bërë përcaktimin fillestar se Shqipëria ka përfunduar në mënyrë thelbësore planin e saj të veprimit dhe vlerëson punën e Shqipërisë për të adresuar mangësitë e saj strategjike. Megjithatë, FATF nuk ka vendosur ende të autorizojë një vizitë në vend në vend për të verifikuar zbatimin e reformave nga ana e Shqipërisë.
Kjo sepse FATF mbetet e shqetësuar për planin e Shqipërisë për miratimin e Amnistisë Fiskale, e cila nuk përputhet me parimet e reformave kundër pastrimit të parave.
Shqipëria duhet të garantojë që amnistia nuk do të krijojë hapësirë për individët apo subjektet fizike të legalizojnë asete me origjinë të paligjshme dhe se ajo ka të bëjë vetëm me pasaktësinë ose mos raportimin e mëparshëm të të ardhurave të tatueshme.
Shqipëria duhet ta rishikojë draftin për Amnistinë dhe të punojë me MONEYVAL për tu siguruar se programi përmban masa mbrojtëse adekuate për të parandaluar mundësinë e abuzimit të ligjit për qëllime të pastrimit të parave. Përndryshe, asaj i duhet të konsiderojë braktisjen e ligjit totalisht. “
Në listën Gri përfshihen dhe vende si Burkina Faso, Ishujt Kajman, Kongo, Gjibraltari, Haiti, Xhamaika, Mozambiku, Nigeria, Panamaja, Filipinet, Senegali, Siria, Tanzania, Uganda, Jemeni apo Turqia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
