Gazeta Si – FIFA ka publikuar renditjen e re të kombëtareve një ditë para se të hidhet shorti i Botërorit të Katarit. Një renditje që shërben edhe për ndarjen e vazove në short.
Kombëtarja kuqezi, pas humbjes 2-1 në Spanjë dhe barazimit 0-0 me Gjeorgjinë, të dyja ndeshje miqësore, ka humbur një pozicion në këtë renditje në krahasim me renditjen e mëparshme. Shqipëria ndodhet në vend të 66-të aktualisht, ndërsa në renditjen e fundit mbante vendin e 65-të.
Kosova, pas fitores 5-0 ndaj Burkina Fasos dhe barazimit 1-1 me Zvicrën, ka ngjitur dy shkallë, nga vendi i 109-të ka kaluar në të 107-in.
Kryesimin e renditje së FIFA-s ndërkohë e ka marrë Brazili, që ka kaluar Belgjikën, duke e spostuar atë në vend të dytë. Italia, edhe pse dështoi të shkonte në Botëror, mban vendin e 6-të.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
