.png)
Gazeta Si – Disfata e radhës për Shqipërinë e basketbollit për femra në kualifikueset e Euro 2023. Vajzat kuqezi janë mundur 124-52 nga Sllovenia në Lubjanë. Ishte humbja e 5-të radhazi për Kombëtaren, që ka zhgënjyer totalisht në këto eliminatore. Shifrat flasin qartë, humbje me 72 pikë diferencë.
Shqipëria ka edhe një ndeshje të fundit për të zhvilluar, atë me Turqinë në vendin tonë. Kombëtarja jonë bën pjesë në Grupin G, bashkë me Slloveninë, Poloninë dhe Turqinë.
Skuadra e drejtuar nga trajnerja Mirza Alibegaj nuk mundi t’i bënte ballë furisë së slloveneve. Perioda e parë u mbyll me rezultatin 30-19, të tjerat vazhduan me diferencë më të thellë pikësh në favor të ekipit vendës, 33-7 e dyta, 30-9 e treta dhe 31-17 e katërta.
Gjithçka për t’u harruar, madje duket e kotë që Kombëtarja jonë merr pjesë në aktivitet me këtë skuadër. Ndeshja e fundit luhet të dielën në “Dhimitraq Goga”, ku mysafire do të jetë Turqia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
