Qendra për Kërkimet e Ekonomisë dhe Biznesit, CEBR, parashikon një rritje vjetore të ngadaltë të ekonomisë me 3.9% nga 2022 në 2026. Më pas, do të ketë rënie në 3.5% deri në vitin 2036.
Për 15 vitet e ardhshme, sipas CEBR, Shqipëria do të përkeqësohet në renditjen e Tabelës Ekonomike në botë duke rënë nga vendi i 123-të në vendin e 125-të në vitin 2036.
Sipas kësaj qendre, Shqipëria është një vend me të ardhura mesatare të larta me PBB për frymë 15.487 dollarë në vitin 2021. PBB-ja e Shqipërisë u tkurr me 3.3% në vitin 2020, por u rrit me 5.3% në vitin 2021, duke u ngjitur me 1.8% nivelit të 2019-s.
Popullsia e Shqipërisë gjatë vitit 2016, ishte e pandryshuar gjë që ka mbajtur pezull rritjen ekonomike të vendit.
Krahasuar me vendet që u dëmtuan më shumë nga Covid-19, Shqipëria menaxhoi të mbronte qytetarët nga efektet e rënda të pandemisë, me 109.7 vdekje për 100.000 banorë.
Gjithsesi, fushata e vaksinimit në Shqipëri nuk ka qenë aq e suksesshme sa në vendet e tjera europiane.
Në mesin e dhjetorit 2021, vetëm 38.7% kanë marrë së paku një dozë vaksine, ndërkohë 34.9% janë vaksinuar plotësisht.
Shqipëria pati performancë të mirë ekonomike gjatë 2021-shit edhe pse me një nivel të lartë të papunësisë. Forca e punës e papunësuar u rrit nga 0.3-12% në vitin 2021.
Borxhi publik është një shqetësim i madh për ekonominë e Shqipërisë, duke kërcënuar stanjacionin e rritjes së saj në terma afatmesme.
Në vitin 2021, borxhi i qeverisë u rrit në 81.5% të PBB-së së vendit, duke kaluar dhe shifrat e 2020-s. Kjo do të mbetet një sfidë për qeverinë teksa mundohet të balancojë dhe rikuperimin e vendit.
Ndonëse nuk është bërë asnjë dokument ligjor mbi të, Shqipëria është zotuar se do të jetë pjesë e nismës për reduktimin e karbonit me 11.5% nga nivelet e 2016-s deri në 2030-n.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
