.png)
Nga Gazeta ‘SI’ – Polonia është vendi më i fundit që ka nënshkruar një marrëveshje me Shqipërinë për njohjen e pensioneve për qytetarët që jetojnë dhe punojnë në secilin shtet.
Ministrja e Ekonomisë dhe Inovacionit, Delina Ibrahimaj, nënshkroi sot marrëveshjen me homologun e saj polak në Varshavë. Marrëveshja garanton njohjen dhe totalizimin e periudhave të sigurimit, duke siguruar të drejtën për pension pleqërie dhe mbrojtjen e të drejtave të fituara në sistemet e sigurimeve shoqërore të të dy vendeve.
“Marrëveshja synon të ofrojë siguri juridike dhe mbrojtje sociale për qytetarët, duke siguruar trajtim të barabartë dhe respektim të të drejtave të fituara në sistemet e sigurimeve shoqërore të të dy vendeve”, deklaroi ministrja Ibrahimaj pas nënshkrimit.
Shqipëria aktualisht ka 17 marrëveshje dypalëshe në zbatim, 5 marrëveshje të dakordësuara, dhe 3 të tjera në negociata ose përgatitje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje