Federata Shqiptare e Futbollit është njohur me vendimet e Komisionit të Etikës dhe Disiplinës në UEFA për ndeshjen Shqipëri – Çeki, e luajtur më 16 nëntor në stadiumin “Arena Kombëtare”.
FSHF është gjobitur me 27 750 euro për ndezjen e flakadanëve dhe hedhjen e sendeve në fushë.
UEFA vendosi gjobitjen e Federatës Shqiptare e Futbollit me 2750 euro për ndezjen e flakadanëve dhe gjobitjen me 25 000 euro për hedhjen e sendeve në fushë.
Vlera totale e gjobës, prej 27 750 euro duhet të paguhet brenda 90 ditëve nga komunikimi i këtij vendimi, thekson UEFA.
Federata Shqiptare e Futbollit u bën thirrje tifozëve që të vazhdojnë të mbështesin Kombëtaren, duke krijuar një atmosferë të ngrohtë dhe pozitive. Njëkohësisht, i fton të tregojnë qytetari dhe respekt përmes sjelljes korrekte ndaj ekipit kundërshtar, për të shmangur çdo situatë që mund të dëmtojë ekipin tonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
