Biletat e ndeshjes Shqipëri – Çeki, e vlefshme për grupin B1 të Ligës së Kombeve, janë shitur të gjitha, njoftoi sot Federata Shqiptare e Futbollit.
Stadiumi “Air Albania” do të jetë edhe këtë herë i mbushur me tifozë shqiptarë, në mbështetje të Kombëtares kuqezi.
Federata Shqiptare e Futbollit njoftoi sot se interesi për të ndjekur ndeshjen Shqipëri – Çeki ka qenë i lartë.
FSHF fton tifozët e Kombëtares kuqezi që kanë vendosur të jenë të pranishëm në stadiumin “Air Albania” më 16 nëntor, në mbështetje të ekipit tonë kombëtar, të krijojnë një atmosferë të ngrohtë, pozitive dhe të tregojnë qytetari dhe respekt përmes një sjelljeje korrekte ndaj ekipit kundërshtar.
Renditja në Grupin B1 pas 4 ndeshjeve të luajtura:
1.Çekia 7 pikë
2. Gjeorgjia 6 pikë
3. Shqipëria 6 pikë
4. Ukraina 4 pikë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
