.png)
Mundësi Zelimkhan Abarakov nuk ia doli të sigurojë një vend mes katër më të mirëve të botës në disiplinën e mundjes së lirë për peshat 57 kg në “Paris 2024”.
Mundësi kuqezi u eliminua nga indiani Aman Aman në çerekfinale me shifrat 12-0, duke humbur kështu shpresat e Shqipërisë për medalje në këtë garë.
Abakarov bëri sot debutimin e tij në Lojërat Olimpike “Paris 2024”, në stilin e lirë të mundjes, pesha 57 kg. Mundësi i cili përfaqëson Shqipërinë prej dy vitesh, kaloi jo pa vështirësi Diamantino Iuna Fafe nga Guinea Bisau. 23-vjeçari ishte dy herë kampion i Afrikës dhe tregoi aftësitë e tij duke marrë një avantazh 6-1 ndaj Abakarov.
Por mundësi kuqezi në minutën e fundit përmbysi gjithçka me dy kapje, duke siguruar pikët që i nevojiteshin për të fituar 7-6 këtë duel dhe duke kaluar në raundin tjetër, ku u mund nga indiani Aman Aman.
Shqipëria ka mbetur në olimpiadë me dy sportistë të vetëm Dudaev dhe Valiev, mundës që dikur garonin për Rusinë dhe sot nën ngjyrat e flamuri kuqezi, janë jo thjeshtë garues, por mes pretendentëve për t’i dhënë medaljen e parë olimpike vendit tonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
