Gazeta Si – Shqipëria U-21 luajti sot një miqësore me Bullgarinë në stadiumin ‘Elbasan Arena’, ku fitoi me rezultatin 3-1. Ishte një ndeshje e dominuar thuajse nga fillimi në fund nga skuadra e trajnerit Alban Bushi.
Shpendi, Kurtulan dhe Berisha janë autorët e golave për kuqezinjtë e vegjël, të cilët kanë bindur në këtë test. Dy golat e parë erdhën shumë shpejt, më pas bullgarët shkurtuan në 2-1. Në fillim të pjesës së dytë kuqezinjtë gjetën edhe golin e tretë.
Edhe pse ishte vetëm një miqësore, Shpresat kanë dhënë sinjale të mira për të ardhmen. Trajneri Alban Bushi po përgatitet me skuadrën e tij për kualifikueset e Europianit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
