Gjashtë ditë pas ngjarjes së rëndë në Velipojë ku një hotel u përfshi nga flakët e zjarri si pasojë e shpërthimit nga rrjedhja e gazit, ka ndërruar jetë një nga vajzat e plagosura.
Fatkeqësisht nuk mundi t’u mbijetonte plagëve 19-vjeçarja Daniela Gjoka. E reja po kurohej në Itali për trajtim më të specializuar, por për fat të keq humbi jetën.
Ndërkohë, të plagosura janë edhe nëna e saj Alketa Gjoka dhe dy fëmijët e tjerë, djali 12 vjeç E.Gjoka dhe vajza tjetër K.Gjoka 15 vjeçe. Edhe këta të fundit ndodhen për kurim në Itali.
Hoteli 3-katësh në Velipojë i familjes Gjoka u përfshi nga flakët më 4 Korrik për shkak të rrjedhjes së gazit te një bombol 3-5 kg. Kati i parë i ndërtesës u shkrumbua thuajse tërësisht.
Për këtë ngjarje tragjike u arrestua disa ditë më parë tregtari i gazit për shkelje të kushteve tekniko-ligjore
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
