Një pus nafte ka shpërthyer në flakë mëngjesin e të hënës, në Qafën e Kashit, në Ballsh, ku është plagosur një punonjës.
Si pasojë e shpërthimit është plagosur shtetasi Viktor Balla, rreth 50 vjeç, i cili është dërguar në Spitalin e Fierit. 50-vjeçari ka pësuar djegie në 40% të trupit dhe ndodhet nën kujdesin e mjekëve.
Ngjarja ka ndodhur rreth orës 07:30 në stacionin e pompimit të një firme private gjatë procesit të punës, ku në tubacionin e furnizimit ka marrë flakë në sipërfaqe një depo e dekantimit të naftës.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
