Gazeta Si – Shpërthimi i një paneli elektrik në hyrjen e një pallati, i ka marrë jetën një 55-vjeçari në Shkodër.
Policia njofton se ngjarja ka ndodhur në orën 10:10 të mëngjesit të kësaj të hëne në lagjen “Manush Alimani”, ku dyshohet se ka shpërthyer paneli i matëseve të energjisë elektrike.
Sipas policisë, viktima, i cili ende nuk është identifikuar, është i moshës rreth 55 vjeç, i cili ka humbur jetën në Spitalin Rajonal Shkodër.
“Grupi hetimor nën drejtimin e Prokurorisë po punon për dokumentimin e rrethanave, identifikimin e shtetasit që ka humbur jetën dhe për përcaktimin e shkakut të shpërthimit të matësave elektrikë“, – thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
