Shpërthen gripi i shpendëve në Brazil, BE ndalon importin e produkteve

Nga Gazeta Si- BE ka ndaluar importin e mishit të shpendëve nga Brazili për shkak të një shpërthimi të gripit të shpendëve.

Brazili ka njoftuar se Organizata Botërore për Shëndetin e Kafshëve (ËOAH) i ka pezulluar statusin “pa Grip të Shpendëve Shumë Patogjene (HPAI)” pasi gripi i shpendëve u zbulua në një fermë në Rio Grande do Sul.

Edhe pse BE-ja nuk është tregu më i madh i shpendëve në Brazil (vetëm rreth 4.4% e eksporteve të shpendëve brazilianë u dërguan në BE vitin e kaluar), vendi i Amerikës Latine mbetet një furnizues kryesor i shpendëve në bllok, duke përbërë 32% të importeve të shpendëve të BE-së në vitin 2024, sipas të dhënave zyrtare të BE-së.

“Komisioni Europian mbetet në kontakt me autoritetet braziliane dhe mbështetet tek ato për të siguruar që nuk po nënshkruhen certifikata eksporti nga BE-ja”, tha një zëdhënës i Komisionit për Euroneës.

Si pjesë e masave, afërsisht 1.7 milion vezë janë shkatërruar në Rio Grande do Sul, sipas departamentit të bujqësisë së shtetit.

Brazili është eksportuesi më i madh në botë i shpendëve, duke furnizuar tregjet kryesore ndërkombëtare. Kina mbetet klientja e saj kryesore, e ndjekur nga Emiratet e Bashkuara Arabe, Japonia, Arabia Saudite dhe Afrika e Jugut.

Ekspertët e shëndetit janë gjithnjë e më të shqetësuar pasi rastet e gripit të shpendëve vazhdojnë të rriten midis shpendëve të egër në të gjithë botën, veçanërisht në SHBA, ku një shpërthim midis shpendëve dhe lopëve qumështore ka rezultuar në 67 raste të konfirmuara njerëzore dhe një vdekje.

Edhe Kosova ka vendosur ta ndalojë përkohësisht mishin e pulës dhe produktet e tjera të shpendëve nga Brazili, ka bërë të ditur të martën Agjencia e Ushqimit dhe Veterinarisë.

Agjencia e Ushqimit dhe Veterinarisë ka bërë të ditur se masa “do të mbetet në fuqi deri në një njoftim të dytë, gjithmonë bazuar në situatën epidemiologjike në Brazil dhe rivlerësimit të rrezikut nga AUV”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.