.png)
Të paktën 15 persona kanë humbur jetën si pasojë e një shpërthimi të ri të virusit Ebola në Republikën Demokratike të Kongos, sipas njoftimit nga Ministria e Shëndetësisë e këtij vendi.
Rasti i parë i konfirmuar ishte një grua shtatzënë 34-vjeçare, e cila u dërgua në spital muajin e kaluar pas shfaqjes së simptomave si ethe, temperaturë e lartë dhe të vjella të vazhdueshme. Ajo ndërroi jetë disa orë më vonë si pasojë e dështimit të shumë organeve, theksoi ministria.
Ky është shpërthimi i 16-të i virusit Ebola në këtë shtet të Afrikës Qendrore, raportoi BBC. Rasti i fundit është regjistruar në provincën qendrore Kasai, ku janë konfirmuar gjithsej 28 infektime. Autoritetet kanë bërë thirrje për zbatim strikt të masave parandaluese, si larja e duarve në mënyrë të rregullt dhe ruajtja e distancës fizike në zonat e rrezikuara.
Organizata Botërore e Shëndetësisë (OBSH) deklaroi se po ndërmerr masa të menjëhershme për të ndaluar përhapjen e virusit dhe për të mbrojtur popullatën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
