.png)
Gazeta Si – Një bombol gazi ka shpërthyer mëngjesin e sotëm në një pallat në lagjen “Konferenca e Pezës”, duke shkaktuar jo vetëm panik në zonë, por edhe lëndimin e dy personave.
Në vendngjarje kanë mbërritur dy mjete zjarrfikëse, dy autoambulanca dhe forca të shumta policie. Nga shpërthimi kanë mbetur të lënduar dy persona – një zjarrfikës i përfshirë në operacionin e shpëtimit dhe një banor i ndërtesës, identiteti i të cilëve ende nuk është bërë publik.
Të dy të plagosurit janë transportuar në spital dhe ndodhen jashtë rrezikut për jetën. Policia dhe ekspertët zjarrfikës kanë nisur hetimet për të zbardhur rrethanat e ngjarjes. Paraprakisht dyshohet se shkak i shpërthimit ka qenë rrjedhja e gazit nga bombola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
