Tre persona kanë mbetur të plagosur si pasojë e shpërthimit të një bombole gazi në Korçë. Policia thotë se ngjarja ka ndodhur në Voskopojë rreth orës 11:20 të së premtes.
Nga shpërthimi i bombolës kanë marrë dëmtime F. L., rreth 63 vjeç, , K. B., rreth 30 vjeç dhe shtetasja A. N. Tre të lënduarit kanë djegie në trup dhe ndodhen në spital.
Sipas policisë ata janë familjarë me njëri-tjetrin dhe kanë qenë në fshatin Voskopojë, në banesën e shtetases A. N., në momentin kur ka shërthyer bombola e gazit. Grupi hetimor po punon për të zbardhur rrethanat e ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
