.png)
Shoqata e Ndërtuesëve të Shqipërisë ka reaguar mbi përkeqësimin e klimës së biznesit në vend duke përmendur edhe rritjen e nivelit të taksimit për këtë industri.
SHNSH ka shprehur keqardhje për përkeqësimin e klimes së biznesit në vend dhe përkrahje kundrejt qëndrimit të Dhomës Amerikane të Tregtisë në lidhje me situatën e mungesës së besimit në biznes.
“Shoqata e Ndërtuesve të Shqipërisë po përballet me një tendencë aspak të arsyeshme me rritjen e nivelit të taksimit për këtë industri, shuarjen e klimës së dialogut të përbashket, mosmarrjen parasysh të kërkesave të kësaj industrie për rishikimin e disa iniciativeve ligjore antikushtetuese që kanë renduar mundësinë e të bërit biznes.”
Shoqata e Ndërtuesve të Shqipërisë ka paraqitur gatishmërinë për t’u ulur në bisedime dhe për të zbatuar edhe kuadrin ligjor detyrues për konsultime të vazhdueshme me grupet e interesit për iniciativa ligjore që prekin interesat e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
