.png)
Gazeta Si – Ish-numri 1 i botës në tenis ka dalë pozitive edhe në analizat e kampionit B, për një ilaç anti-anemi që stimulon prodhimin e hemoglobinës dhe rruazave të kuqe. Rumunja është mbrojtur në rrjetet sociale, duke shkruar se do ta fitojë ndeshjen më të fortë të jetës.
Një lajm shokues në botën e tenisit. Agjencia ndërkombëtare për integritetin e tenisit (ITIA) ka bërë me dije se Simona Halep, 31 vjeç, është pezulluar për shkak dopingu. Tenistja, aktualisht numri 9 në botë, ka shkelur rregulloren antidoping më 7 tetor 2022, duke përdorur një substancë të ndaluar.
📰🎾
— Cosmin 🇷🇴📰 (@CosminAgafitei) October 21, 2022
🚨 Simona Halep a fost suspendata provizoriu din tenis pentru ca a picat un test antidoping.
Ar fi folosit la US Open o substanta interzisa, Roxadustat.#tenis #halep pic.twitter.com/7atnlCZQtq
Halep ka dhënë kampionin e analizës, teksa garonte në US Open në gusht 2022. Kampioni është ndarë në A dhe B dhe analiza ka vërtetuar se kampioni A përmbante FG-4592 (Roxadustat, ilaç që stimulon prodhimin e hemoglobinës), që bën pjesë në listën e substancave të ndaluara nga Agjencia Botërore Antidoping (WADA).
Vendimi është marrë menjëherë për një pezullim provizor. Halep ka ushtruar të drejtën e saj, duke kërkuar analizën e kampionit B, që konfirmoi të parin. Kampionja rumune, që e kishte mbyllur 2022-shin në fushë gjatë pezullimit, nuk mund të marrë pjesë në asnjë aktivitet.
Sportistja 31-vjeçare, fituese e ‘Roland Garros’ dhe ‘Uimbëlldon’, ka reaguar me një mesazh në rrjetet sociale. “Nga sot po luftoj për ndeshjen më të fortë të jetës, atë për të vërtetën, – shkruan Halep. – Është shokuese për mua.
Sasia e gjetur është shumë e ulët, nuk kam menduar asnjëherë të bëj të tilla gjëra. Është kundër gjithë vlerave dhe principeve, me të cilat jam edukuar. Jam e bindur se herët a vonë e vërteta do të dalë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
