Gazeta Si – Një 32-vjeçar ka denoncuar në polici se është kërcënuar me armë teksa po shkonte në banesë mbrëmjen e së dielës.
Ngjarja ka ndodhur në lagjen Nr.6 të Laçit në afërsi të shinave të trenit. Policia thotë se 32-vjeçari me iniciale S.D., po udhëtonte me makinën e tij për të shkuar në banesë.
Gjatë këaj kohe ai është kërcënuar me armë nga disa persona të cilët udhëtonin me një makinë tjetër. Këta persona, ka denoncuar 32-vjeçari, qëllonin me armë në ajër dhe më pas u larguan.
Policia shkoi në vendngjarje sapo mori denoncimin e të riut. Ky i fundit nuk pësoi lëndime, por as automjeti i tij nuk është prekur nga plumbat.
Ndërsa autorët e dyshuar policia i ka identifikuar dhe i ka shpallur në kërkim. Për shkak të hetimeve, nuk bëhen me dije identitetet e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
