Një 33-vjeçar, i identifikuar si Marsel Rusi, i cili u vetë-plagos një natë më parë në Korçë, është arrestuar bashkë me shokun e tij Andi Adri, 32 vjeç, banues në Pogradec.
Policia e Korçës, thotë se ata kanë tentuar të krijojnë prova të rreme, me qëllim shmangien nga e vërteta e ngjarjes.
Mësohet se 33-vjeçari, pasi është ndaluar dhe mjekuar si fillim në spitalin e Korçës është nisur drejt spitalit të Traumës në Tiranë.
Nga burimet spitalore thuhet se Rusi ka shenja në kokë.
Burime bëjnë me dije se Adri e ka çuar në spital 33-vjeçarin, duke i kërkuar të thotë se e ka plagosur dikush tjetër, por nga hetimet ka rezultuar se ai është vetëplagosur.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme hetimore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
