Gazeta Si – Një 53-vjeçar ka tentuar të hyjë në pikën e kalimit kufitar të Muriqanit me plot 202 mijë euro. Sipas bluve të Shkodrës, sasia e eurove iu kapën një shtetasit Ilir Beqiri që po tentonte t’i fuste në Shqipëri pa i deklaruar në doganë.
Gjatë kontrollit të ushtruar në automjetin që drejtonte ky shtetas, dyshohet se shuma e eurove është përfituar nga veprimtari kriminale.
53 vjeçari, banues në Shkodër, akuzohet për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”, njofton policia.
Rregulli është që duhen deklaruar në doganë çdo vlerë mbi 1.5 milion lekë të vjetra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
